سالاملار سئوگيلي دؤسلاريما

بو يازي دا ايستيرم ان چؤخ سئوديگيم آذري اؤيوني ياني اوزون تپه اؤيونوني سيزه معرفي اليم. 

«اوزون دره اؤيوني» چوخ قديمي رقصدير. قاراباغدا، آغداملا گؤي تپه كندي آراسيندا بير د‌ره وار، آدينا«اوزون دره» دئييرلر. قوجالار تصديق ائديرلركي، بو رقص محض همين دره‌يه حصر اولونوب. بورادا عادت اوز‌ره رقص ائده‌رلرميش. روايته گؤره، «اوزون‌د‌ره» تره‌كمه آدلانان كؤچه‌ري بير قبيله‌نين دوشرگه‌سي اولموش: ‌اونلار داغلار قوينونداكي اوتلاق يئرلرينه، يايلاقا گئده‌ركن يول اوستو بورادا دينجه‌لرميشلر. بورايا قونشو كندلرده‌ن‌ده قوناقلار گلر، دوستلوق علاقه‌لري‌ايله سيخ باغلي اولان كؤچه‌ريلره باش چكرلرميش. بو رقصلرده‌ن بيرينه، ا‌ن مشهور اولانينا«اوزون دره» آدي وئريليب.

باشقا بير روايت‌ده‌ دئييليركي، گلين آپاراندا همين دره‌دن كئچرلرميش. بورادا بير قده‌ر دايانار، بيگين قوهوملاريندان اولان قادينلار گلينين قاباغيندا اوينايار، خوشبخت‌ليك، امين ـ امانليق و جان ساغليغي آرزولارميش.

گؤروندو‌يو كيمي، حقيقته داها اويغونو ايكينجي روايت‌دير. «اوزون‌د‌ره»نين هاواسي اولدوقجا اينجه، ليريك مئلوديياليدير. قيزغين طبيعتلي، قوتلي و جلد كؤچري رقصينه دئييل، گلينه حصر اولونموش توي رقصينه داها چوخ ياراشان مئلودييادير.

شكي‌ده كئچميشده بيگ ائوينده چاغريلان كيشي تويو اوچ گون داوام ائدير. دؤردونجو گون‌ايسه قادينلار ييغيشارديلار. قادين تويوندا موسيقي‌چيلر (قارمون چالان، قاوال چالان) قادينلاردان اولاردي. تويدا گلين دوواقدا، اوزو اؤرتولو حالدا اوتوراردي. تويون قورتاماسينا ياخين اونو اويناماغا دعوت ائده‌رديلر. گلين دوواغي اوزونده‌ن گؤتوره‌ر و «اوزون‌د‌ره» اويناردي. شكي‌ده‌ بو رقصي ميللي گئييمده ايفا ائده‌رديلر.

اوجاردا و گور چايدا «اوزون‌د‌ره‌ني» كيشيلر و يا خود قادينلا كيشي بيرگه اويناييرلار.

البته، رقصين حركتلري، اونون موسيقي و رقص تركيبي قادين ايفاسي اوچون داها سجيه‌وي، داها اويغون و مناسب‌دير.

قيد ائتمك لازيمديركي، بعضي يئرلرده «اوزون‌د‌ره» رقصي تاماميله باشقا مئلودييادا سسله‌نير. مثلاً، زاقاتالادا (۲ـ جي تالا كندينده) «اوزون‌د‌ره»نين ريتمي، تئمپي و اوسلوبو عادت ائتديييميز طرزده‌دير، مئلوديياسي‌ايسه بامباشقا. اونو آنجاق كيشي‌لر اويناييرلار. چوخ گومان‌كي، حاققيندا دانيشديغيميز هر ايكي واريانت تاماميله آيري ـ آيريليقدا مئيدانا گليب.

ايليچ رايونوندا اوزاق كئچميشده «اوزون‌د‌ره» آدي‌ايله ياللي، اؤزو‌ده جلد تئمپلي اويون ياللي‌سي اولوب. اونو كيشيلرين ياللي باشي‌سي الينده بالاجا بير چوبوق، قادينلاري ياللي باشي‌سي‌ايسه جيب دستمالي گزديره‌ردي. هر ايكي قوروپون رقصينده‌ن سونرا قادينلارين ياللي باشي‌سي الينه چوبوق آلار و كيشيلرين ياللي‌ باشي‌سي‌ايله «ووروشماغا» بير نوع، مضحكه طرزينده دؤيوشه باشلاردي.

شكي رايونونون كيشكند كندينده قوجالار اينديه قده‌ر عيني رقص‌ين موسيقي‌سي آلتيندا«ياللي»ـ «اوزون‌د‌ره» اويناييرلار.

منبع:www.Azeridance.com

بو گوزل اؤيونون ويدئولاري ني آلتداكي لينكلر دن دانلود اليه بيلرسيز:

((عزيز ديلداش لاريم بونا گؤره كي اول كي فيلمين لينكي يوتيوب سايتينا دي گرك اول كي لينكي فيلترشكنينن آچاسيز آما ايكيمجي مديا فاير دي و فيلتر ديير و اله بوجورسي دانلود اؤلا بيلر))

اوزون دره اؤيونوي1-رقص آذربايجاني اوزون دره1

اوزون دره اؤيوني 2-رقص آذربايجاني اوزون دره2